Rekomendoj al eldonejoj

Kion eldonejoj faru, por ke iliaj libroj, diskoj kaj aliaj varoj estu disvendataj de la Retbutiko de Flandra Esperanto-Ligo?

Tuj post la eldono de la varo, la eldonejoj sendu minimume unu senpagan ekzempleron de la nova produkto al Flandra Esperanto-Ligo, Frankrijklei 140, B-2000 Antwerpen, Belgio. La eldonejoj krome plenigu la informilon kun priskribo de la verko, prezo, mendomanieroj, ktp.

Post ricevo Flandra Esperanto-Ligo

1. mencios la verkon senpage en sia elektronika katalogo
2. elektos inter la senditaj verkoj la plej interesajn por recenzado en MONATO
3. elektos inter la senditaj verkoj la plej interesajn por recenzado en la Interret-paĝoj de Flandra Esperanto-Ligo
4. decidos, kiom da ekzempleroj ĝi mendos ĉe la eldonejo

Se eldonejo deziras, ke Flandra Esperanto-Ligo (FEL) estu sola aŭ ĉefa distribuanto (tiel ke aliaj disvendantoj devu mendi ne ĉe la eldonejo, sed ĉe FEL), ĝi faru same, kiel priskribita ĉi-supre, sed ĝi menciu „FEL estu ĉefa distribuanto” en la notoj. En tiu okazo la eldonejo garantias al FEL minimuman rabaton de 50 % kompare al la senimposta vendoprezo, por ke FEL siavice povu doni rabaton de 33 % al la pluvendantoj.

Lasta adapto de tiu ĉi paĝo: 2008-10-17