En 1787 Wolfgang Amadeus Mozart komponis muzikludon KV 516f por sia pianolernantino Franziska von Jacquin. Li verkis kompleksan komponaĵon de la alfabeto, kiu estas aplikebla en literkombinaĵoj. Teamo de Christoph Reuter [kristof rojter], profesoro ĉe la Instituto pri Muzikscienco de la Universitato de Vieno, realigis tiun unikan kombin-komponaĵon kiel dialogan komputilan programon „NAMADEUS”. Pere de ĝi vizitantoj de la Domo de Muziko en Vieno povas ludante transformi sian nomon en originalan sonantan Mozart-interpretaĵon.
La ideo de Mozart ĉe la kombin-komponaĵo KV 516f estis aldoni al la literoj de nomo ĉiufoje du taktojn, kies elekto okazas konforme al kompleksa regulilo. „Per malmultaj notlinioj Mozart kreis unikan verkon. La ludo povas aplikiĝi ĉe literkombinaĵoj en iu ajn longeco kaj disponigas variacian diversecon”, diris profesoro Christoph Reuter.
La cetero de la artikolo estas konsultebla en la sekcio por abonantoj.