En verda ĝardeno estas ŝajne kunmeto de antaŭaj kasedoj de Mikaelo Bronŝtein, parte ne plu aĉeteblaj. En si mem tio estas bona ideo, ĉar kasedoj ja iĝas pli kaj pli eksmodaj. Tamen iom strange sonas, kiam Mikaelo inter siaj kantoj parolas kaj diras „bonvenon en flanko B de nia kasedo”. La kantoj - kaj la ligaj tekstoj - estas en tre klara komprenebla Esperanto, eĉ sen akompana teksto. Multe da ĝuo por malmulte da mono!
| Indekso |