Flandra Esperanto-Ligo

Aperis nova romano de Trevor Steele

Ĵus aperis la plej nova romano de Trevor Steele „Iam ni trovos hejmon”, kun tre aktuala temo: rifuĝintoj.

Musa estas hazara knabo en Afganio, kies patro kaj frato estis murditaj de taliboj. Por eviti morton li devas fuĝi el la lando.

Zaina estas rohinĝa knabino el Mjanmao, kies fianĉo decidas, ke ili devas fuĝi el tiu lando.

Ambaŭ celas atingi Aŭstralion, prospera kaj demokratia lando. Sed pro registaraj reguloj Musa estis sendita al kaptitejo sur ege varma tropika insulo Manus, kaj Zaina, perdinte la fianĉon, estas sendita al alia eĉ pli varma insulo Naŭruo.

Post multaj kruelaj spertoj ambaŭ azilpetantoj troviĝas en homtenejo en Aŭstralio mem. Tie ili renkontas unu la alian. Eble iam ili trovos liberon en tiu granda lando, apogate de bonkoruloj.

La romano jam estas akirebla en bitaj formoj ekde hodiaŭ kaj baldaŭ aperos ankaŭ kiel presita bindita libro. Por mendi bv. iri al la Retbutiko

Eldona agado de FEL laŭdata

Antaŭ nelonge la konata aŭtoro Sten Johansson proponis aldoni 14 prozajn verkojn al la Baza Legolisto; alivorte al la listo de romanoj kaj novelaroj, kiujn ĉiu devus legi. Inter tiuj 14 verkoj 4 estis eldonitaj de Flandra Esperanto-Ligo. Jen ili:

García, Higinio: Kapturnoj. 1999

Karpunina, Lena: La bato. 2000

Löwenstein, Anna: La memoraĵoj de Julia Agripina. 2021

Rodin, Sen (Franceschi, Filippo): Bildoj pri norda lando kaj aliaj rakontoj. 2006

La internacia magazino sendependa pri politiko, moderna vivo, scienco, ekonomio, arto, turismo, medio, komputado kaj multe pli! Legu pli!